LIVE:
32 years of Ghayal: ਸੰਨੀ ਦਿਓਲ ਨੇ ਸ਼ੇਅਰ ਕੀਤੀ ਖ਼ਾਸ ਪੋਸਟ ਕਿਹਾ- ‘ਕੁਝ ਨਹੀਂ ਬਦਲਿਆ, ਹੱਕ ਤੇ ਇਨਸਾਫ ਦੇ ਲਈ ਅੱਜ ਵੀ ਲੜਨਾ ਪੈਂਦਾ ਹੈ’
32 years of Ghayal: ਜੇਕਰ ਸੰਨੀ ਦਿਓਲ ਦੀਆਂ ਬਿਹਤਰੀਨ ਫਿਲਮਾਂ ਦੀ ਲਿਸਟ ਤਿਆਰ ਕੀਤੀ ਜਾਵੇ ਤਾਂ ਉਸ ਲਿਸਟ 'ਚ ਘਾਇਲ ਦਾ ਨਾਂ ਸਭ ਤੋਂ ਉੱਪਰ ਆਵੇਗਾ। ਘਾਇਲ ਇੱਕ ਅਜਿਹੀ ਫ਼ਿਲਮ ਹੈ ਜਿਸ ਨੇ ਸੰਨੀ ਦਿਓਲ ਨੂੰ ਬਾਲੀਵੁੱਡ ਦੇ ਐਕਸ਼ਨ ਹੀਰੋ ਵਜੋਂ ਸਥਾਪਿਤ ਕੀਤਾ ਅਤੇ ਫਿਰ ਬਾਲੀਵੁੱਡ ਵਿੱਚ ਉਸ ਦਾ ਕੱਦ ਅਜਿਹਾ ਵਧਿਆ ਕਿ ਅੱਜ ਤੱਕ ਕੋਈ ਵੀ ਉਸ ਦੀ ਬਰਾਬਰੀ ਨਹੀਂ ਕਰ ਸਕਿਆ। ਹੁਣ ਘਾਇਲ ਫਿਲਮ ਦੇ 32 ਸਾਲ ਪੂਰੇ ਹੋ ਗਏ ਹਨ ਅਤੇ ਇਸ ਖਾਸ ਮੌਕੇ 'ਤੇ ਸੰਨੀ ਦਿਓਲ ਨੇ ਇੱਕ ਵੀਡੀਓ ਪੋਸਟ ਕੀਤੀ ਹੈ।
ਸੰਨੀ ਦਿਓਲ ਨੇ ਆਪਣੀ ਸਭ ਤੋਂ ਚਰਚਿਤ ਫਿਲਮ ਨੂੰ ਯਾਦ ਕਰਦੇ ਹੋਏ ਇੱਕ ਵੀਡੀਓ ਪੋਸਟ ਕੀਤਾ ਹੈ, ਜੋ ਇਸ ਫਿਲਮ ਵਿੱਚ ਉਨ੍ਹਾਂ ਦੁਆਰਾ ਬੋਲੇ ਗਏ ਸਾਰੇ ਹਿੱਟ ਡਾਇਲਾਗਸ ਨੂੰ ਜੋੜ ਕੇ ਬਣਾਇਆ ਗਿਆ ਹੈ। ਸੰਨੀ ਦਿਓਲ ਦੇ ਪ੍ਰਸ਼ੰਸਕਾਂ ਨੇ ਜਦੋਂ ਇਹ ਵੀਡੀਓ ਦੇਖਿਆ ਤਾਂ ਸਾਰੀਆਂ ਯਾਦਾਂ ਤਾਜ਼ਾ ਹੋ ਗਈਆਂ ਅਤੇ ਉਹ ਖੁਸ਼ੀ ਨਾਲ ਝੂਮ ਉੱਠੇ। ਇਕ ਵਾਰ ਫਿਰ ਪ੍ਰਸ਼ੰਸਕਾਂ ਨੇ ਸੰਨੀ ਦੇ ਉਸੇ ਅਵਤਾਰ ਦੀ ਤਾਰੀਫ ਕਰ ਰਹੇ ਹਨ।
ਸੰਨੀ ਦੀ ਇਸ ਪੋਸਟ 'ਤੇ ਸੋਸ਼ਲ ਮੀਡੀਆ 'ਤੇ ਕਾਫੀ ਕਮੈਂਟਸ ਅਤੇ ਰਿਐਕਸ਼ਨ ਆ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ- ਮਨਪਸੰਦ ਫਿਲਮ, ਮਨਪਸੰਦ ਸੰਨੀ। ਤਾਂ ਉੱਥੇ ਇੱਕ ਹੋਰ ਯੂਜ਼ਰ ਨੇ ਲਿਖਿਆ- ਐਵਰਗਰੀਨ ਫਿਲਮ।
ਇਸ ਵੀਡੀਓ ਨੂੰ ਸਾਂਝਾ ਕਰਦਾ ਹੋਇਆ ਸੰਨੀ ਦਿਓਲ ਨੇ ਲਿਖਿਆ ਹੈ- ‘ਦੁਨੀਆ ਜ਼ਿਆਦਾ ਨਹੀਂ ਬਦਲੀ ਹੈ...ਇਨਸਾਫ ਅਤੇ ਜੋ ਸਹੀ ਹੈ, ਉਸ ਲਈ ਸੰਘਰਸ਼ ਅੱਜ ਵੀ ਯਾਰੀ ਹੈ...’ । ਇਸ ਪੋਸਟ ਉੱਤੇ ਪ੍ਰਸ਼ੰਸਕ ਤੇ ਕਲਾਕਾਰ ਕਮੈਂਟ ਕਰਕੇ ਤਾਰੀਫ ਕਰ ਰਹੇ ਹਨ। ਦੱਸ ਦਈਏ ਸੰਨੀ ਦਿਓਲ ਬਹੁਤ ਜਲਦ ਆਪਣੀ ਫ਼ਿਲਮ ਗਦਰ ਦਾ ਸਿਕਵਲ ਲੈ ਕੇ ਆ ਰਹੇ ਹਨ।
View this post on Instagram
