ਨਿੰਜਾ ਦੇ ਜਨਮਦਿਨ ਦੀਆਂ ਵੀਡੀਓਜ਼ ਆਈਆਂ ਸਾਹਮਣੇ, ਲਾਈਫ ਪਾਟਨਰ ਤੇ ਦੋਸਤਾਂ ਨੇ ਕੁਝ ਇਸ ਤਰ੍ਹਾਂ ਦਿੱਤਾ ਸਰਪ੍ਰਾਈਜ਼
ਪੰਜਾਬੀ ਗਾਇਕ ਨਿੰਜਾ ਦੇ ਬਰਥਡੇਅ ਦੀਆਂ ਵੀਡੀਓਜ਼ ਸੋਸ਼ਲ ਮੀਡੀਆ ਉੱਤੇ ਖੂਬ ਪਸੰਦ ਕੀਤੀਆਂ ਜਾ ਰਹੀਆਂ ਹਨ । ਜੀ ਹਾਂ ਬੀਤੀ 6 ਮਾਰਚ ਨੂੰ ਗਾਇਕ ਨਿੰਜਾ ਦਾ ਜਨਮ ਦਿਨ ਸੀ । ਵਿਆਹ ਤੋਂ ਬਾਅਦ ਇਹ ਉਨ੍ਹਾਂ ਦਾ ਪਹਿਲਾ ਜਨਮਦਿਨ ਸੀ, ਜਿਸ ਨੂੰ ਉਨ੍ਹਾਂ ਦੀ ਲਾਈਫ਼ ਪਾਟਨਰ ਨੇ ਬਹੁਤ ਹੀ ਖ਼ਾਸ ਤਰੀਕੇ ਦੇ ਨਾਲ ਸੈਲੀਬ੍ਰੇਟ ਕੀਤਾ ।
ਨਿੰਜਾ ਨੇ ਆਪਣੇ ਇੰਸਟਾਗ੍ਰਾਮ ਉੱਤੇ ਵੀਡੀਓ ਨੂੰ ਪੋਸਟ ਕੀਤਾ ਹੈ, ਜਿੱਥੇ ਉਹ ਆਪਣੀ ਲਾਈਫ਼ ਪਾਟਨਰ, ਪਰਿਵਾਰਕ ਮੈਂਬਰ ਤੇ ਕੁਝ ਖ਼ਾਸ ਮਿੱਤਰਾਂ ਦੇ ਨਾਲ ਆਪਣਾ 29ਵਾਂ ਬਰਥਡੇਅ ਮਨਾਉਂਦੇ ਹੋਏ ਨਜ਼ਰ ਆ ਰਹੇ ਨੇ । ਵੀਡੀਓ ‘ਚ ਦਿਲਜੀਤ ਦੋਸਾਂਝ ਦਾ ਗੀਤ ‘ਹੈਪੀ ਬਰਥਡੇਅ ‘ਤੇ’ ਵੱਜ ਰਿਹਾ ਹੈ । ਵੀਡੀਓ ‘ਚ ਨਿੰਜਾ ਇਸ ਖ਼ਾਸ ਸਰਪ੍ਰਾਈਜ਼ ਲਈ ਸਭ ਦਾ ਦਿਲੋ ਧੰਨਵਾਦ ਕਰਦੇ ਹੋਏ ਨਜ਼ਰ ਆ ਰਹੇ ਨੇ ।
ਉਧਰ ਅਜੇ ਤੱਕ ਉਨ੍ਹਾਂ ਦੇ ਬਰਥਡੇਅ ਦਾ ਸੈਲੀਬਰੇਸ਼ਨ ਚੱਲ ਰਿਹਾ ਹੈ । ਬੀਤੀ ਰਾਤ ਉਨ੍ਹਾਂ ਦੇ ਭਰਾਵਾਂ ਵਰਗੇ ਦੋਸਤਾਂ ਨੇ ਵੀ ਨਿੰਜਾ ਦਾ ਜਨਮਦਿਨ ਸੜਕ ਦੇ ਕਿਨਾਰੇ ਬੜੇ ਹੀ ਧੂਮ ਧਾਮਾਂ ਦੇ ਨਾਲ ਮਨਾਇਆ । ਦੋਸਤਾਂ ਵੱਲੋਂ ਦਿੱਤੇ ਇਸ ਸਰਪ੍ਰਾਈਜ਼ ਨੂੰ ਪਾ ਕੇ ਨਿੰਜਾ ਕੁਝ ਭਾਵੁਕ ਵੀ ਹੋਏ ਤੇ ਇਸ ਨੂੰ ਸਭ ਤੋਂ ਖ਼ਾਸ ਦੱਸਿਆ । ਵੀਡੀਓ ‘ਚ ਦੇਖ ਸਕਦੇ ਹੋ ਕਿ ਨਿੰਜਾ ਤਲਵਾਰ ਦੇ ਨਾਲ ਕੇਕ ਕੱਟਦੇ ਹੋਏ ਨਜ਼ਰ ਆ ਰਹੇ ਨੇ ।
ਜੇ ਗੱਲ ਕਰੀਏ ਨਿੰਜਾ ਦੇ ਵਰਕ ਫਰੰਟ ਦੀ ਤਾਂ ਉਹ ਪੰਜਾਬੀ ਮਿਊਜ਼ਿਕ ਇੰਡਸਟਰੀ ਨੂੰ ਛੱਲਾ, ਉਹ ਕਿਉਂ ਨੀ ਜਾਣ ਸਕੇ, ਜੱਟਾਂ ਦਾ ਪੁੱਤ ਮਾੜਾ ਹੋ ਗਿਆ, ਐਵਰ ਗ੍ਰੀਨ, ਗੱਲ ਜੱਟਾਂ ਵਾਲੀ, ਠੋਕਦਾ ਰਿਹਾ, ਕੱਲ ਚੰਗਾ, ਜਿੰਨੇ ਸਾਹ ਵਰਗੇ ਕਈ ਹਿੱਟ ਗਾਣੇ ਦਿੱਤੇ ਹਨ । ਸਾਲ 2017 'ਚ ਨਿੰਜਾ ਨੇ ਚੰਨਾ ਮੇਰਿਆ ਫ਼ਿਲਮ ਦੇ ਨਾਲ ਅਦਾਕਾਰੀ ਦੀ ਦੁਨੀਆਂ 'ਚ ਵੀ ਕਦਮ ਰੱਖਿਆ ਅਤੇ ਉਸ 'ਚ ਵੀ ਕਾਮਯਾਬੀ ਹਾਸਿਲ ਕੀਤੀ । ਇਸ ਤੋਂ ਬਾਅਦ ਉਹ ਹਾਈਂ ਐਂਡ ਯਾਰੀਆਂ, ਦੂਰਬੀਨ, ਅੜਬ ਮੁਟਿਆਰਾਂ ਵਰਗੀਆਂ ਕਈ ਫ਼ਿਲਮ ‘ਚ ਅਦਾਕਾਰੀ ਕਰ ਚੁੱਕੇ ਨੇ । ਇਸ ਤੋਂ ਇਲਾਵਾ ਉਹ ਇਸ ਸਾਲ ਜ਼ਿੰਦਗੀ ਜ਼ਿੰਦਾਬਾਦ, ਗੁੱਲ ਲੱਕ ਜੱਟਾ ਵਰਗੀਆਂ ਕਈ ਹੋਰ ਫ਼ਿਲਮਾਂ ਦੇ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਦੇ ਹੋਏ ਨਜ਼ਰ ਆਉਣਗੇ ।