LIVE:
ਨੇਹਾ ਕੱਕੜ ਬਣੀ ਭਾਰਤ ਦੀ ਪਹਿਲੀ ਅਜਿਹੀ ਗਾਇਕਾ ਜਿਸ ਨੂੰ ਮਿਲਿਆ ਇਹ ਸਨਮਾਨ,ਫੈਨਸ ਤੇ ਪਰਿਵਾਰ ਦਾ ਕੀਤਾ ਧੰਨਵਾਦ
ਨੇਹਾ ਕੱਕੜ ਬਾਲੀਵੁੱਡ ਦਾ ਹੀ ਨਹੀਂ ਸਗੋਂ ਪੰਜਾਬੀ ਇੰਡਸਟਰੀ ਦਾ ਵੀ ਮੰਨਿਆ ਪ੍ਰਮੰਨਿਆ ਨਾਮ ਹੈ। ਆਪਣੀਆਂ ਅਦਾਵਾਂ ਅਤੇ ਗਾਇਕੀ ਦੇ ਹੁਨਰ ਨਾਲ ਸੈਲਫੀ ਕੁਈਨ ਨੇਹਾ ਕੱਕੜ ਦਾ ਹਰ ਕੋਈ ਦੀਵਾਨਾ ਹੈ। ਨੇਹਾ ਕੱਕੜ ਜਿੰਨ੍ਹਾਂ ਦੇ ਗਾਣੇ ਤਾਂ ਬਹੁਤ ਸਾਰੇ ਰਿਕਾਰਡ ਬਣਾਉਂਦੇ ਅਤੇ ਤੋੜਦੇ ਰਹਿੰਦੇ ਹਨ ਉਥੇ ਹੀ ਨੇਹਾ ਕੱਕੜ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ ਇੰਸਟਾਗ੍ਰਾਮ 'ਤੇ ਵੀ ਇੱਕ ਉਪਲਬਧੀ ਹਾਸਿਲ ਕਰ ਲਈ ਹੈ। ਦੱਸ ਦਈਏ ਨੇਹਾ ਕੱਕੜ ਭਾਰਤ ਦੇ ਸੰਗੀਤ ਜਗਤ ਦੀ ਪਹਿਲੀ ਸਖ਼ਸ਼ ਬਣ ਚੁੱਕੀ ਹੈ ਜਿਸ ਨੂੰ ਇੰਸਟਾਗ੍ਰਾਮ ਟ੍ਰਾਫ਼ੀ ਮਿਲੀ ਹੈ।
ਆਪਣੀ ਇਹ ਖੁਸ਼ੀ ਨੇਹਾ ਕੱਕੜ ਨੇ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਹੈ ਅਤੇ ਆਪਣੇ ਪਰਿਵਾਰ ਤੇ ਫੈਨਸ ਦਾ ਸਾਥ ਦੇਣ ਲਈ ਧੰਨਵਾਦ ਕੀਤਾ ਹੈ। ਨੇਹਾ ਕੱਕੜ ਨੇ ਲਿਖਿਆ,'ਭਾਰਤ ਦੀ ਇਕਲੌਤੀ ਸੰਗੀਤਕਾਰ ਜਿਸ ਨੂੰ ਇਹ ਇੰਸਟਾਗ੍ਰਾਮ ਟ੍ਰਾਫ਼ੀ ਮਿਲੀ। ਅਤੇ ਭਾਰਤ 'ਚ ਸਿਰਫ ਪੰਜ ਲੋਕ ਹਨ ਜਿੰਨ੍ਹਾਂ ਨੂੰ ਇਹ ਸਨਮਾਨ ਮਿਲਿਆ ਹੈ। ਸ਼ੁਕਰਗੁਜ਼ਾਰ ਹਾਂ। ਧੰਨਵਾਦ ਇੰਸਟਾਗ੍ਰਾਮ। ਮੇਰੇ ਪਰਿਵਾਰ ਸੋਨੂੰ ਕੱਕੜ, ਟੋਨੀ ਕੱਕੜ ਅਤੇ ਮਾਤਾ ਪਿਤਾ ਦਾ ਬਹੁਤ ਸ਼ੁਕਰੀਆ ਅਤੇ ਉਹਨਾਂ ਦਾ ਧੰਨਵਾਦ ਜਿੰਨ੍ਹਾਂ ਜਿੰਨ੍ਹਾਂ ਨੇ ਹੁਣ ਤੱਕ ਸਾਥ ਦਿੱਤਾ।'
ਹੋਰ ਵੇਖੋ : ਗੁੱਡ ਨਿਊਜ਼ ਦੀ ਟੀਮ ਹਾਊਸਫੁੱਲ ਦੇ ਰਾਜਕੁਮਾਰ ਬਾਲਾ ਨਾਲ ਕਰ ਰਹੀ ਹੈ ਮਸਤੀ,ਦਿਲਜੀਤ ਦੋਸਾਂਝ ਨੇ ਸਾਂਝਾ ਕੀਤਾ ਵੀਡੀਓ
ਦੱਸ ਦਈਏ ਨੇਹਾ ਕੱਕੜ ਤੋਂ ਪਹਿਲਾਂ ਇਹ ਟ੍ਰਾਫ਼ੀ ਅਕਸ਼ੇ ਕੁਮਾਰ, ਵਿਰਾਟ ਕੋਹਲੀ, ਦੀਪਿਕਾ ਪਾਦੁਕੋਣ ਅਤੇ ਪ੍ਰਿਯੰਕਾ ਚੋਪੜਾ ਨੂੰ ਮਿਲ ਚੁੱਕੀ ਹੈ। ਨੇਹਾ ਕੱਕੜ ਦੇ ਇੰਸਟਾਗ੍ਰਾਮ 'ਤੇ ਚਾਹੁਣ ਵਾਲਿਆਂ ਦੀ ਗੱਲ ਕਰੀਏ ਤਾਂ ਇਹ 27.8 ਮਿਲੀਅਨ ਹੈ ਜੋ ਕਿ ਵੱਡਾ ਅੰਕੜਾ ਹੈ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਫਿਲਹਾਲ ਉਹ ਭਾਰਤ ਦੇ ਨਾਮੀ ਸਿੰਗਿੰਗ ਰਿਆਲਟੀ ਸ਼ੋਅ ਇੰਡੀਅਨ ਆਈਡਲ ਦੇ 11 ਵੇਂ ਸੀਜ਼ਨ ਨੂੰ ਜੱਜ ਕਰਨ ਜਾ ਰਹੇ ਹਨ।
